काठमाडौं- नेपाली कांग्रेसको केन्द्रीय निर्वाचन समितिका संयोजक महादेवप्रसाद यादवले पदबाट दिएको राजीनामा अस्वीकृत भएको छ।
पार्टी सभापतिसमेत रहेका प्रधानमन्त्री शेरबहादुर देउवाले शुक्रबार बेलुका यादवको राजीनामा अस्वीकार गरेका हुन्। यादवले भदौ २३ गते केन्द्रीय कार्यालयमा राजीनामा पत्र बुझाएका थिए।
२० जिल्लामा वडा अधिवेशन ढिलो भएको भन्दै यादवले असन्तुष्टि जनाएर पदबाट राजीनामा दिएका थिए। तर, सभापति देउवाले उनको राजीनामा अस्वीकृत गर्दै महाधिवेशन सम्बन्धित बाँकी काम गर्न आग्रह गरेका छन्।