अमेरिकामा कोरोना भाइरसबाट संक्रमित र मृत्यु हुनेको संख्या बढ्दो क्रममा नै छ। जोन्स हप्किन्स विश्वविद्यालयलाई उद्धृत गर्दै बीबीसीले जनाएअनुसार त्यहाँ कोरोना संक्रमितको संख्या १० लाख नाघेको छ।
विश्वभरको आँकडा हेर्ने हो भने कुल संक्रमित ३१ लाख १४ हजार ६५६ पुगेको छ। त्यसैगरी २ लाख १६ हजार ९८९ जनाको मृत्यु भइसकेको छ।
सबैभन्दा धेरै अमेरिकामा ५९ हजारभन्दा बढीको ज्यान गएको छ। इटालीमा २७ हजार ३५९ को मृत्यु भएको छ भने स्पेनमा २३ हजार ८२२ को ज्यान गइसकेको छ।
फ्रान्समा २३ हजार ६६० र बेलायतमा २१ हजार ६७८ को मृत्यु भइसककेको छ ।
हाल विश्वभर १९ लाख ६५ हजार २३४ कोरोना संक्रमितको उपचार भइरहेको छ। जसमध्ये ५७ हजार ३०७ को अवस्था गम्भीर रहको छ भने बाँकीको अवस्था मध्यम छ।
बेलायतमा केयर होम्समा भर्ना भएका सबै र त्यहाँका स्टाफको कोरोना परीक्षण हुने भएको छ। यसबाट लाखौं मानिस परीक्षणको दायरामा आउनेछन्।
रुसी राष्ट्रपति भ्लादिमिर पुटिनले उनको देशमा सुरक्षा किट तथा उपकरणहरुको कमी रहेको स्वीकार गरेका छन्। त्यहँ ९३ हजारभन्दा बढी संक्रमित भइसकेका छन् भने ८६७ जनाको मृत्यु भइसकेको छ।
पाँच हप्तापछि न्युजिल्याण्डमा लकडाउन खुलेको छ र जनजीवन सामान्य हुन थालेको छ।