एजेन्सी- टेस्ट क्रिकेटमा शतकसहित डेब्यू गरेका पाकिस्तानी क्रिकेटर उमर अकमललाई पाकिस्तान क्रिकेट बोर्ड (पीसीबी) ले ३ वर्षको प्रतिबन्ध लगाएको छ। बल स्पट फिक्सिङ आरोप लागेका उनले तीन वर्षसम्म कुनै फर्मको क्रिकेट खेल्न पाउने छैनन।
अकमलमाथि फिक्सिङ गरेर कुरा लुकाएको आरोप थियो। यसबारे पीसीबी अनुशासन कमिटीले गरेको अध्ययनमा उनी दोषी पाइएका हुन।
पीसीबीले ट्वीट गरेको छ - 'उमर अकमललाई अनुशासनात्मक प्यानलका अध्यक्ष जस्टिस (रिटायर्ड) फजल-ए-मीरन चौहानको तर्फबाट सबै फर्मेटमा खेल्नका लागि तीन सालको प्रतिबन्ध सुनाइएको छ।'
यसअघि अकमलले एक अन्तरवार्तामा स्पट फिक्सिङको लागि २ लाख रुपैयाँ पाएको बताएका थिए। त्यती मात्र नभएर उनले भारतविरुद्धको खेलमा पनि मोटो रकमको लेनदेन हुने गरेको दाबी आफूले सुनेको बताएका थिए।
त्यस्तै सन २०१५ मा अष्ट्रेलिया-न्युजिल्यान्डमा भएको वर्ल्डकपमा पनि म्याच फिक्सरले सम्पर्क गरेको र उनले यसबारे पीसीबी र आईसीसीलाई जानकारी नगराएको पनि उनीमाथि आरोप छ।
आइसीसीको भ्रष्टाचार कोड २.४.४ र २.४.५ अनुसार सबै खेलाडीलाई पैसा वा कुनै गलत तरिकाले फाइदा पुर्याउने काम गर्यो भने आईसीसीलाई जानकारी दिनुपर्ने बाध्यकारी नियम छ। यदि यो नियम कसैले उल्लंघन गरेको खण्डमा उस्लाई ५ वर्षसम्मको प्रतिबन्ध हुनसक्ने ब्यवस्था छ।