भारतको दक्षिणी राज्य केरलस्थित एक गाउँमा कोरोना भाइरसबाट बच्न सामाजिक दूरी कायम गराउन सहयोग पुग्ने उद्देश्यले स्थानीयलाई छाता वितरण गरिएको छ।
लाइभमिन्ट डटकमका अनुसार त्यहाँ १० हजार छाता बाँडिएको छ।
छाता ओढ्दा मानिसहरु एकअर्काको नजिक आउन नपाउने र कम्तीमा एक मिटरको दूरी कायम हुने भएकाले त्यसो गरिएको बताइएको छ।
भारतमा कोरोना भाइरसबाट संक्रमितको संख्या २८ हजार नाघेको छ भने मृतकको संख्या ८८६ पुगेको छ।