किराना पसल बिहान १० बजेसम्म खोल्न पाइने, साँझ नपाइने

काठमाडौं- काठमाडौं महानगरपालिकाले महानगरभित्र सञ्चालित पसलहरु विहान १० बजेसम्म सञ्चालन गर्न दिने भएको छ।

महानगरपालिकाका प्रवक्ता ईश्वरमान डंगोलले पसलहरु विहान १० बजेसम्म सञ्चालन गर्न दिनेबारे छलफल भएको जानकारी दिए। उनले भने, 'पसलहरु विहान १० बजेसम्म खुल्न सक्नेछन्, साँझ पाइँदैन।'

त्यस्तै थोरै व्यक्ति उपस्थित भई काम गर्न सकिने कार्यालयहरु पनि पर्याप्त सुरक्षा बन्दोवस्त गरेर खोल्न दिनेबारे पनि छलफल भएको डंगोलले बताए।

मन्त्रिपरिषदले लकडाउन २५ बैशाखसम्म लम्बाउने निर्णय गरे पनि त्यो जारी लकडाउनजस्तै हुने वा केही निश्चित क्षेत्रलाई खुकुलो पार्ने बारे केही निर्णय गरिसकेको छैन।