विश्वभर फैलिएको कोरोना भाइरस महामारीबाट मृत्यु हुने गैरआवासीय नेपालीहरुको संख्या ४९ पुगेको छ।
गैरआवासीय नेपाली संघ अन्तर्गतको स्वास्थ्य समितिले संकलन गरेको तथ्यांकअनुसार बेलायतमा ३३, अमेरिकामा १०, युएईमा २, आयरल्याण्डमा १, जापानमा १, टर्कीमा १ र नेदरल्याण्डमा १ जनाको ज्यान गएको हो।
स्वास्थ्य समितिका संयोजक डा. सञ्जीव सापकोटाका अनुसार नेपाल बाहेक विश्वभर १ हजार ९ सय ८३ जना गैरआवासीय नेपालीहरु कोरोनाबाट संक्रमित भएका छन्।
विश्वभर छरिएका गैरआवासीय नेपाली विज्ञ चिकित्सहरुको समूहले तयार पारेको सो आँकडा अनुसार २४ देशमा रहेका नेपालीहरु कोरोना भाइरसबाट संक्रमित छन् ।
विदेशमा कोरोना संक्रमण भएका गैरआवासीय नेपालीमध्ये ४ सय ३४ जना कोरोना मुक्त भएको सो समितिले जनाएको छ ।