बुबाको कुटपिट गरी हत्या गरेको अभियोगमा छोरा पक्राउ

सल्यान– ५१ वर्षीय बुबाको कुटपिट गरी हत्या गरेको अभियोगमा प्रहरीले सल्यानबाट एक जनालाई पक्राउ गरेको छ।

जिल्लाको सिद्धकुमाख गाउँपालिका–२ कुईयाझोलका बुदे बिकलाई कुटपिट गरी हत्या गरेको अभियोगमा उनको छोरा २१ वर्षीय सुरज बिकलाई प्रहरीले शनिबार राति पक्राउ गरेको हो।

सामान्य विवादको कारण सुरजले आफ्नै बुवालाई कुटपिट गर्दा घटनास्थलमै मृत्यु भएको सूचनाका आधारमा उनलाई पक्राउ गरिएको सल्यान प्रहरी प्रमुख प्रहरी नायव उपरीक्षक ढकेन्द्र खतिवडाले जानकारी दिए।

‘पहिले देखिनै आमा बुबालाई कुटपिट गरिरहने भन्ने बुझिएको छ’ अतिवडाले भने,‘ शनिबार दिउसो पनि कुटपिट गरेरै बाबुको हत्या गरेको खबर आएको हो, थप अनुसन्धान भैरहेको छ।’