मुस्लिम धर्मावलम्बीहरूको मुख्य पर्व रमजान शनिबारदेखि सुरु भएको छ। लकडाउनका कारण यस वर्ष मुस्लिमहरु घरभित्रै रमजान मनाउन बाध्य भएका छन्। लकडाउनका कारण मस्जिद पनि बन्द छन्।
शनिबारदेखि सुरु भएको यो पर्वमा मुस्लिम धर्मालम्बीहरू एक महिनासम्म दिनभरी निराहार व्रत बसी नमाज पढ्ने गर्छन् ।
हिजरी संवतको नवौं महिनामा सुरु भएर एक महिनासम्म चल्ने यो पर्वमा सूर्योदयदेखि सूर्यास्तसम्म पानी पनि नपिई व्रत बस्ने गरिन्छ ।
रमजानको महिना मुसलमानको सबैभन्दा ठूलो ग्रन्थ कुरान अवतरण भएको महिनाको रुपमा मान्ने गरिन्छ । यो महिनामा रोजा बस्दा अल्लाहको कृतज्ञता प्राप्त हुने विश्वास छ ।