खानेपानीको लाइन विस्तार गर्ने विषयमा विवाद हुँदा जाजरकोटमा एक वडाध्यक्ष कुटिएका छन्। जुनिचाँदे गाउँपालिका–२ का वडाअध्यक्ष ५२ वर्षीय रामबहादुर नेपालीमाथि मंगलबार राति स्थानीय एक समूहले कुटपिट गरेको प्रहरीले जनाएको छ।
आफ्नो गाउँमा पानीको व्यवस्था नगरेको भन्दै नेपालीमाथि कुटिपट भएको जिल्ला प्रहरी प्रमुख प्रहरी नायव उपरीक्षक किशोरकुमार श्रेष्ठले जानकारी दिए।
कुटपिटबाट वडाध्यक्ष नेपालीको टाउकोमा गम्भीर चोट लागेको प्रहरीले जनाएको छ। उनलाई उपचारका लागि सुर्खेत पठाउने तयारी भैरहेको श्रेष्ठले जानकारी दिए।
कुटपिटमा संलग्न सात जनाको समूहलाई प्रहरीले पक्राउ गरी सदरमुकाम खलंगा ल्याउँदै गरेको श्रेष्ठले जानकारी दिए।