संगठन सुदृढीकरण अभियान सञ्चालन गर्ने जसपा निर्णय

काठमाडौं- जनता समाजवादी पार्टी (जसपा)नेपालले संगठन सुदृढीकरण र जनजागरणका लागि चारमहिने अभियान सञ्चालन गर्ने भएको छ। 

आज (बिहीबार) बसेको जसपा केन्द्रीय कार्यकारिणी समिति बैठकले भदौ १ गतेदेखि मंसिर मसान्तसम्म अभियान सञ्चालन गर्ने निर्णय गरेको हो।

अभियान सञ्चालनका लागि कार्यकारिणी सदस्यहरूको अभियान केन्द्रित अस्थायी कार्यविभाजन पनि बैठकले गरेको छ। 

त्यस्तै केन्द्रीय सल्लाहकार समितिको अध्यक्षमा विष्णुहरि शर्मा र अनुशासन आयोगको प्रमुखमा नरसिंह चौधरीलाई जिम्मा दिने निर्णय गरेको छ।

अनुशासनसम्बन्धी छानबिन गर्नका लागि नवराज सुवेदीको संयोजकत्वमा गोविन्द चौधरी, प्रकाश अधिकारी, दुर्गा सोव र सुशीला श्रेष्ठ रहने छानबिन समिति गठन गरिएको छ।