जनकपुरधाम- जनकपुरको महावीर चोकमा पैसा फ्याँकेर भागेका दुवै महिलाको पीसीआर रिपोर्ट निगेटिभ आएको छ।
आइतबार गरिएको स्वाब परीक्षणमा दुवैकाे निगेटिभ रिपोर्ट देखिएको प्रादेशिक प्रयोगशालाका निमित्त निर्देशक रामविनय साहले जानकारी दिए।
यसअघि उनीहरुको शनिबार साँझ प्रादेशिक अस्पताल जनकपुरमा गरिएको र्यापिड टेस्टमा पोजिटभ देखिएको थियो।
शनिबार अपराह्न जनकपुरधामको महावीर चोकस्थित सडकमा वडा नम्बर ७ जानकी नगरमा घर भएकी आमुना खातुन र अलिना खातुन पैसा फ्याँकेर भागेका थिए। प्रहरीले सीसीटीभी फुटेजको सहयाेगमा उनीहरूलाई शनिबार अपराह्न घरैबाट पक्राउ गरेको थियो।
पक्राउ परेलगत्तै प्रहरीले प्रादेशिक अस्पताल जनकपुरमा दुवैजनाको र्यापिड टेस्ट गर्न लगाएको थियो।
याे पनि पढ्नुस् : जनकपुरको सडकमा पैसा फ्याँकेर हिँड्ने दुवै महिलाको आरडीटी पोजेटिभ