काठमाडौ– बाग्लुङकी ६५ वर्षीया महिला कोरोना भाइरस (कोभिड–१९) मुक्त भएर घर फर्किएकी छन्।
कास्कीस्थित प्रदेश जनस्वास्थ्य प्रयोगशालामा गरिएको पीसीआर परीक्षणमा लगातार दुई रिपोर्ट नेगेटिभ आएपछि उनलाई डिस्चार्ज गरिएको हो।
डिस्चार्ज गरेपनि धौलागिरी अञ्चल अस्पतालले उनलाई दुई हप्ता ‘होम क्वारेन्टाइन’मा बस्न आग्रह गरेको छ।
बेल्जियमबाट ४ चैतमा आएकी उनको १९ चैतदेखि धौलागिरी अञ्चल अस्पतालको आइसोलेसन वार्डमा उपचार भइरहेको थियो।
आजै काठमाडौंको टेकु अस्पतालबाट काठमाडौंकी १९ वर्षीया युवती कोरोनामुक्त भएर घर फर्किएकी छन्।
योसँगै कुल ३० संक्रमित मध्ये तीन जना डिस्चार्ज भइसकेका छन्।