काठमाडौ– स्वास्थ्य मन्त्रालयले कोरोना उपचारका लागि तोकिएको मुख्य अस्पताल शुक्रराज ट्रपिकल तथा सरुवा रोग अस्पतालका डा. शेरबहादुर पुनलाई स्पष्टीकरण सोधेको छ।
सञ्चारमाध्यममा विभिन्न लेख छपाएको र प्रतिक्रिया दिएको भन्दै मन्त्रालयले डा. पुनसँग लिखित स्पष्टीकरण सोधेको हो।
सरुवा रोग विशेषज्ञ तथा टेकु अस्पतालका रिसर्च युनिटका संयोजकसमेत रहेका डा. पुनले सञ्चारमाध्यममार्फत चेतनामूलक लेख सम्प्रेषण गर्दै आएका थिए।
मुलुकमा कोभिड–१९ को संक्रमण नदेखिंदै डा. पुनले सरकारले गर्नुपर्ने तयारी र आवश्यकता विषयमा लेख छपाएका थिए।