गौमुखी गाउँपालिका उपाध्यक्ष क्वारेन्टाइनमा, मदिरा उत्पादनमा रोक

लकडाउनको बेला जिल्ला बाहिर रहेकी प्यूठानको गौमुखी गाउँपालिका उपाध्यक्ष तुलसी सुनारलाई पालिकामै रहेको क्वारेन्टाइनमा राखिएको छ ।

उनी काठमाडौंबाट गाउँपालिका फर्कने क्रममा सुरक्षा सतर्कताका कारण क्वारेन्टाइनमा राखिएको हो । बिहीबार घर आउँदै गर्दा उनलाई गौमुखी गाउँपालिका ५ स्थित पूर्ण प्राथमिक विद्यालय सालीविसौनाको क्वारेन्टाइनमा राखिएको गाउँपालिका अध्यक्ष विष्णु प्रसाद गिरीले बताए ।

यसैगरी गाउँपालिकाले लामो समयको लकडाउनको कारण खाद्यान्न अभाव हुन सक्ने भन्दै खाद्यान्नको जथाभावी प्रयोग नगर्न पनि आग्रह गरेको छ । गाउँपालिकाले मदिराको उत्पादनमा नलाग्न पनि आग्रह गरेको छ ।