काठमाडौं- गण्डकी प्रदेशमा र्यापिड टेस्ट गर्दा तीन जनामा कोरोना भाइरस पोजेटिभको आशंका गरिएको छ।
गण्डकी स्वास्थ्य निर्देशनालय पोखराका अनुसार मंगलबार र्यापिड टेस्ट गर्दा गोरखा, बाग्लुङ र कास्कीका एक-एक जनामा कोरोना भाइरस पोजेटिभ देखिएको हो।
र्यापिड टेस्टमा पोजेटिभ देखिएपछि उनीहरुको स्वाब संकलन गरी परीक्षण भइरहेको स्वास्थ्य निर्देशनालय गण्डकीका फोकल पर्सन नवराज शर्माले जानकारी दिए।
उनीहरुलाई क्वारेन्टाइनमा राखिएको छ। निर्देशनालयले उनीहरु यहीं थिए वा विदेशबाट आएका हुन् भन्नेबारे केही बताइएको छैन।