काठमाडौं- कर्मचारी सञ्चय कोषले ऋणीलाई ब्याजमा १० प्रतिशत छुट दिने भएको छ। यस्तै ब्याज तिर्ने अवधि एक महिनाका लागि थप गरेको छ।
कोरोना संक्रमणका कारण परेको प्रभावलाई सम्बोधन गर्न सञ्चयतकर्तालाई यस्तो छुट तथा सहुलियत प्रदान गर्न लागिएको कोषले जनाएको छ।
कोरोना भाइरस संक्रमणका कारण नियमित सञ्चयकर्ताको निधन भएमा त्यसलाई दुर्घटना मानी मृतकका हकवालालाई क्षतिपूर्तिबापत २ लाख रुपैयाँ दिने निर्णय कोषले गरेको छ।
कोषले घर सापटी, घर मर्मत, शैक्षिक रसरल कर्जाको २०७६ चैतदेखि २०७७ असार मसान्तसम्को ब्याजमा २०७७ असार मसान्ताभित्र तिरेमा सो अवधिमा पाकेको ब्याज रकममा १० प्रतिशत छुट दिने निर्णय गरेको हो।
त्यस्तो सापटीको २०७७ असार मसान्तसम्मको ब्याज बुझाउने अवधि २०७७ साउन मसान्तसम्म कायम गरिएको कोषले जनाएको छ।