वाणिज्य बैंकको सिईओमा पुनः श्रेष्ठ

काठमाडौं– सरकारी स्वामित्वको राष्ट्रिय वाणिज्य बैंकको प्रमुख कार्यकारी अधिकृत (सिईओ) मा पुनः किरणकुमार श्रेष्ठ नियुक्त भएका छन्।

संचालक समितिको बिहीबार बसेको बैठकले आगामी चार वर्षको लागि श्रेष्ठलाई निरन्तरता दिने निर्णय गरेको हो।

यसअघि श्रेष्ठ २९ चैत २०७२ मा सिईओ नियुक्त भएका थिए। श्रेष्ठले बैंकलाई उत्कृष्ट वाणिज्य बैंकका रुपमा उभ्याएकाले पुनः सिईओ चयन गरिएको सञ्चालक समितिले जनाएको छ।