विद्युत् प्राधिकरणका कर्मचारीको पनि तलब काटिने

नेपाल विद्युत् प्राधिकरणले कर्मचारीको तलब कटौती गर्ने भएको छ । अर्थ मन्त्रालयले कर्मचारीहरुको तह हेरेर अनिवार्य रुपमा तलब कट्टा गरी कोरोना रोकथा तथा राहत कोषमा योगदान गर्न निर्देशन दिएपछि प्राधिकरणले सबै कर्मचारीको तलब कट्टा गर्ने भएको हो ।

प्राधिकरणले एकदेखि ५ तहसम्मका कर्मचारीको ३ दिनबराबरको, ६ देखि ९ तहसम्मका कर्मचारीको ५ दिनबराबरको र ९ तहभन्दा माथिका कर्मचारीको ७ दिनबराबरको तलब कट्टा गरी कोषमा जम्मा गर्नुपर्ने छ। उनीहरु सबैको रकम सुरुको तलबमा कट्टा गरिनेछ ।