विश्व फुटबलको सर्वोच्च निकाय (फिफा) ले बिहीबार सार्वजनिक गरेको वरीयतामा नेपाल १७०औं स्थानमा रहेकाे छ।
फिफाले सार्वजनिक गरेको नयाँ वरीयताअनुसार नेपाल १७०औं स्थानमै रहन सफल भएको हो। गत महिना पनि नेपाल १७०औं स्थानमै थियो ।
दक्षिण एसिसयाली राष्ट्रमा भने नेपाल तेस्रो स्थानमा छ। नेपालभन्दा अगाडि भारत र माल्दिभ्स छन्। भारत १०८औं स्थानमा रहँदा माल्दिभ्स १५५औं स्थानमा छ ।
नेपालभन्दा तल भुटान, बंगलादेश, श्रीलंका र पाकिस्तान छन्। भुटान १८९औं स्थानमा छ भने बांग्लादेश १८७औं स्थानमा छ । त्यसैगरी पाकिस्तान २००औं स्थानमा रहँदा श्रीलंका २०६औं स्थानमा छ।
नयाँ वरीताको शीर्ष स्थानमा बेल्जियम रहेको छ भने फ्रान्स दोस्रो स्थानमा छ। त्यसैगरी ब्राजिल तेस्रो, इङ्ल्यान्ड चौथो तथा उरुग्वे पाँचौं स्थानमा छन्।