डलरको भाउ हालसम्मकै उच्च

काठमाडौं– नेपाल राष्ट्र बैंकले आजको लागि अमेरिकी डलरको विनिमय दर १२२ रूपैयाँ ५० पैसा तोकेको छ । राष्ट्र बैंकको तथ्यांकअनुसार यो हालसम्मकै उच्च दर हो।

आज १ अमेरिकी डलरको खरिद दर १२१ रूपैयाँ ९० पैसा तोकिएको छ।

यसअघि ११ चैतमा १ अमेरिकी डलरको विनिमय मूल्य १२२ रूपैयाँ ३४ पैसा पुगेको थियो।

नेपाली र भारतीय रूपैयाँबीच स्थिर विनिमय दर छ। डलरको तुलनामा भारू कमजोर भएसँगै नेपाली रूपैयाँ पनि कमजोर बनेको हो।