आईजीपीदेखि जवानसम्मको तलब काटिने

प्रहरी प्रधान कार्यालयले सिनियर तथा जुनियर प्रहरी अधिकृतहरुको तीनदेखि सात दिनसम्मको तलब कट्टा गर्ने भएको छ। सरकारले स्थापना गरेको कोरोना भाइरस संक्रमण रोकथाम, नियन्त्रण तथा उपचार कोषमा जम्मा गर्ने उद्देश्यले तलब काटिने भएको हो।

प्रहरी सहायक निरीक्षक र प्रहरी नायब निरीक्षकको तीन दिनको, प्रहरी निरीक्षक, प्रहरी नायब उपरीक्षक र प्रहरी उपरीक्षकको ५ दिनको, प्रहरी वरिष्ठ उापरीक्षक, प्रहरी नायब महानिरीक्षक, प्रहरी अतिरिक्त महानिरीक्षक र प्रहरी महानिरीक्षकको ७ दिनको तलब कोषमा जम्मा हुनेछ।

सरकारले भने कोरोना रोकथामका लागि लकडाउन कार्यान्वयनमा खटिएका सुरक्षाकर्मीलाई अतिरिक्त भत्ताको घोषणा गरेको छ।