बेलायती प्रधानमन्त्री जाेन्सनकाे अवस्था स्थिर

लन्डन-कोरोना भाइरस संक्रमणका कारण आईसीयूमा रहेका बेलायती प्रधानमन्त्री बोरिस जोन्सनको स्वास्थ्य अवस्था स्थिर रहेको डाउनिङ स्ट्रिटले जनाएको छ। 

उनलाई अक्सिजन दिइए पनि भेन्टिलेटरमा नराखिएको बताइएको छ। यसैबीच बेलायती महारानी एलिजाबेथ द्वितीयाले प्रधानमन्त्री जाेन्सनलाई एक सन्देश पठाउँदै उनको शीघ्र स्वास्थ्य लाभको कामना गरेकी छन्। जाेनसनकाे मध्य लन्डनकाे थाेमस हस्पिटलमा उपचार भइरहेकाे छ।

काेराेना भाइरसका कारण बेलायतमा एकै दिन ७५८ जनाको मृत्यु भएको छ। बेलायतको स्वास्थ्य विभाग एनएचएसका अनुसार पछिल्लो २४ घण्टामा ७५८ को मृत्यु भएको हो । योसहित बेलायतमा कोरोना भाइरस संक्रमणबाट मृत्यु हुनेको संख्या ५६५५ पुगेको छ।