कपिलवस्तुमा आइसोलेसनमा रहेका एकजनको मृत्यु, पहिल्यैदेखि विरामी थिए

कपिलवस्तु- कपिलवस्तु अस्पतालको आइसोलेसनमा राखिएका ३० वर्षीय पुरुषको मृत्यु भएको छ।

सोमबार राति ८ बजे कपिलवस्तुको विजयनगर– २ जलैयाका गोवर्धन भरको आइसोलेसनमा रहेकै बेला मृत्यु भएको अस्पतालले जानकारी दिएको छ।

अस्पतालका अनुसार पहिल्यैदेखि मुटु र फोक्सोको समस्या रहेका भरलाई ज्वरो आउने खोकी लाग्ने भएपछि आइसोलेसनमा राखेर उपचार हुँदै थियो ।

चिकित्सक किशोर बञ्जाडेका अनुसार मृतकमा कोरोना थियो कि थिएन भन्ने परीक्षणका लागि नमुना भैरहवा पठाइएको भए पनि अझै रिपोर्ट आइपुगेको छैन।