अमेरिकामा कोरोनाबाट ज्यान गुमाउनेको संख्या १० हजार नजिक

संयुक्त राज्य अमेरिकामा कोरोना भाइरस (कोभिड–१९)को संक्रमणबाट ज्यान गुमाउनेको संख्या १० हजारको हाराहारीमा पुगेको छ।

अमेरिकी समाचार संस्था सीएनएनका अनुसार त्यहाँ सोमबार बेलुकासम्म कोरोना संक्रमणबाट कम्तीमा ९ हजार ६ सय ४८ जनाले ज्यान गुमाएका छन्।

अमेरिकामा तीन लाख ३७ हजार ६ सय ४६ जनामा कोरोना संक्रमण पुष्टि भएको जोन्स हप्किन्स युनिभर्सिटीलाई उद्धृत गर्दै सीएनएनले उल्लेख गरेको छ। त्यहाँका ५० वटा राज्यमा कोरोना संक्रमण देखिएको छ।

एजेन्सी