मुम्बईको वोकहार्ड अस्पतालका २६ नर्स र तीन डाक्टरमा कोरोना भाइरसको संक्रमण पुष्टी भएपछि सम्पूर्ण अस्पतालाई बन्द गरेर क्वारेन्टिन जोनमा रुपान्तरण गरिएको हिन्दुस्तान टाइम्सले उल्लेख गरेको छ।
समाचारमा बताइए अनुसार अस्पतालमा भर्ना भएका सबै विरामीलाई दुई पटकको परीक्षण गरी कोरोना भाइरस मुक्त नदेखिंदासम्म कसैलाई पनि बाहिर जान निषेध गरिएको छ।
अस्पतालमा २७० भन्दा बढी विरामी र स्वास्थ्यकर्मी छन्।
भारतमा सबैभन्दा धेरै संक्रमित महाराष्ट्रमा छन्। सम्पूर्ण महाराष्ट्रमा ७४५ जना संक्रमित छन्, तीमध्ये मुम्बईमा मात्रै ४५८ छन्।
सम्पूर्ण भारतमा ४ हजार ६७ जनामा कोरोना भाइरसको संक्रमण पुष्टी भएको छ भने संक्रमणबाट मृत्यु हुनेको संख्या १०९ पुगेको छ।