काठमाडौं- भक्तपुरको खरिपाटी क्वारेनटाइनमा रहेका ९४ जनाको कोरोना भाइरस संक्रमणको रिपोर्ट नेगेटिभ आएको छ।
स्वास्थ्य तथा जनसंख्या मन्त्रालयले गरेको नियमित पत्रकार सम्मेलनमा मन्त्रालयका प्रवक्ता विकास देवकोटाले उनीहरुको नमुना परीक्षण गर्दा रिपोर्ट नेगेटिभ आएको बताए।
भारत र बंगलादेशबाट आएकाहरुलाई क्वारेन्टाइनमा राखिएकाे थियाे।
प्रवक्ता देवकोटाका अनुसार हाल नेपालमा जना १ सय २५ आइसोलेसनमा रहेका छन्। उपत्यकामा १२ जना र उपत्यकाबाहिर ११३ जना आइसोलेसनमा रहेको बताए।
त्यस्तै काडमाडौं बाहेक अन्य ७ ठाउँमा कोरोना भाइरसको परीक्षण सुरु भएको प्रवक्ता देवकोटाले जनाकारी दिए। त्यस्तै बुटवलमा भोलिदेखि परीक्षण सुरु हुने जनाइएको छ।