अछाम– अछाममा बाघको आक्रमणबाट एक महिला सख्त घाइते भएकी छन्। कमलबजार नगरपालिका–५ की बेला भण्डारीलाई आइतबार बिहान बाघले बाख्रा गोठमा आक्रमण गरेको थियो।
स्थानीय अस्पतालमा सामान्य उपचारपछि महिलालाई थप उपचारका लागि नेपाली सेनाको हेलिकप्टरबाट कोहलपुर लगिएको पञ्चदेवल बिनायक नगरपालिकाकी उपमेयर अम्बिका चलाउनेले जानकारी दिइन्।
घरकै गोठमा बाख्रा खान बसेको बाघले उनलाई आक्रमण गरेको स्थानीयले बताएका छन्। उनको टाउकोमा गहिरो चोट लागेको छ। घाइते बेला पूर्व सभासद शरदसिंह भण्डारीकी आमा हुन्।