बंगलादेशविरुद्ध नेपालले लियो २–० को अग्रता

काठमाडौं– बंगलादेशसँगको अन्तर्राष्ट्रिय मैत्रीपूर्ण महिला फुटबल प्रतियोगिताको पहिलाे हाफमा नेपालले अग्रता लिएको छ। त्रिपुरेश्वरस्थित दशरथ रंगशालामा बिहीबार जारी खेलको १३औं मिनेटमा सविताले गोल गर्दै नेपाललाई सुरुवाती अग्रता दिलाएका हुन्।

फरवार्ड सविता राना मगर र मिडफिल्डर प्रीति राईले डेब्यु गरेको खेलमै गोल गरेका हुन्। २३औं मिनेटमा अर्का सब्सिच्युट मिडफिल्डर प्रीति राईले गोल गर्दै नेपालको अग्रता दोब्बर पारेकी छन्।

सरु लिम्बुले दिएको पासमा प्रीतिले एक डिफेन्डरलाई बिट गर्दै पेनाल्टी बक्सबाहिरबाट गोलरक्षक रुप्ना खातुन अघि बढेको अवस्थामा सहजै गोल गरेकी थिइन्।