प्रधानमन्त्री केपी शर्मा ओलीले नेपाली श्रमिकहरु रहेका देशका सरकार प्रमुखसँग त्यहाँ रहेका नेपालीहरुको अवस्थाका बारेमा जानकारी लिइरहेको जनाएका छन्।
यसै क्रममा ओलीले आज बहराइनका प्रधानमन्त्रीसँग फोन संवाद गरेका छन्। त्यस क्रममा त्यहाँ रहेका नेपालीहरुको सुरक्षाप्रति चासो राख्दै बहाराइनबाट प्राप्त सहयोगका लागि धन्यवाद दिएको प्रम ओलीले ट्विटरमार्फत् जनाएका छन्। अन्य मुलुकका सरकार प्रमुखलाई पनि टेलिफोन गरी नेपालीको अवस्थाबारे जानकारी लिने उनले बताएका छन् ।
खाडी मुलुक, मध्यपूर्व तथा मलेसियामा लाखौं नेपाली श्रमिक कार्यरत छन्।