चीनमा कोरोना भाइरस (कोभिड–१९) बाट मृत्यु हुनेको सम्झनामा ३ मिनेट मौन धारण गरिएको छ । कोरोनाबाट मृत्यु हुने ३३ सयभन्दा बढी चिनियाँको सम्झनामा तीन मिनेटसम्म उभिएर मौन धारण गरिएको हो।
चीनको हुबेई प्रान्तस्थित वुहान सहरमा पहिलोपटक गत डिसेम्बर अन्तिम साता कोरोना भाइरस देखा परेको थियो । उक्त भाइरस अहिले विश्वका सबैजसो देशमा पुगेर महामारीको रुप लिइसकेको छ ।
विश्वभर कोरोना संक्रमितको संख्या ११ लाख नजिक पुगेको छ भने झन्डै ६० हजारले ज्यान गुमाइसकेका छन् ।
बीबीसी