गुल्मी – ६ वर्षीया बालिकालाई जबरजस्ती करणी गरेको अभियोगमा प्रहरीले एक जनालाई पक्राउ गरेको छ। गुल्मीको मुसिकोट नगरपालिका–६ कुर्घाका २० वर्षीय प्रेम गुरुङलाई बालिका बलात्कार गरेको अभियोगमा बुधबार साँझ प्रहरीले पक्राउ गरेको हो।
बालिकामाथि बलात्कार भएको खबर अभिभावकले प्रहरीलाई दिएपछि प्रहरी चौकी वामीटक्सारबाट खटिएको प्रहरी टोलीले गुरुङलाई पक्राउ गरेको जिल्ला प्रहरी कार्यालय गुल्मीले जनाएको छ। घटनाबारे प्रहरीले थप अनुसन्धान गरिरहेको जानकारी दिएको छ।