सीमानामा अलपत्र नागरिकलाई आउन दिनुपर्ने रेखा थापाको माग

काठमाडौं– नायिका रेखा थापाले संकटको बेला मातृभूमि सम्झेर आएका नागरिकलाई सीमामा रोक्न नहुने बताएकी छन्।

थापाले आफ्नो देश सम्झेर आएका नेपालीको उद्धार गरेर निगरानीमा राख्न सरकारसँग माग गरेकी हुन्।

उनले भनिन्, “मजदुरको अवस्थाप्रति सिंहदरबार बेखबर बनेर बस्न मिल्दैन।”

सीमामा आएर आफ्नै देशमा छिर्न पाउनुपर्छ भन्दै नारा लगाउँदा पनि सरकार चुपचाप बसेकोमा आक्रोश पोख्दै थापाले भनिन्, “देशमा रोजगार सिर्जना गर्न नसकेर विदेशीन बाध्य पार्ने पनि राजनीतिकर्मी नै हुन्।”

“परेको बेला देशले सम्झेन भने अरू बेला राष्ट्रियताको भाषणले केही फरक पर्दैन,” उनले भनिन्।

‘आएर क्वारेन्टाइन वा सरकारले जहाँ बसाल्यो त्यही बस्न तयार छौं’भन्दा पनि आउन नदिनु सरकारको गैरजिम्मेवारीपन भएको उनको भनाइ छ।