नेपाल आयल निगम लिमिटेडले डिजेल र पेट्रोलको मूल्य घटाएको छ। अन्तर्राष्ट्रिय बजारमा कच्चा तेलको मूल्यमा आएको गिरावटअनुसार नेपालमा पनि मूल्य समायोजन गरिएको हो। पेट्रोल, डिजेल र मटितेलको साविकको खुद्रा बिक्री मूल्यमा प्रतिलिटर १० रुपैयाँ घटाइएको छ ।
नयाँ मूल्यअनुसार काठमाडौंमा पेट्रोलको खुद्रा मूल्य ९६ रुपैयाँ कायम भएको छ भने र डिजेल र मटितेलको ८५ रुपैयाँ भएको छ।
नयाँ मूल्य बुधबार राति १२ बजेदेखि लागू हुनेछ।