राहत वितरणमा विवाद हुँदा झडप

वीरगञ्ज - वीरगञ्जमा राहत वितरणको विषयलाई लिएर दुई पक्षबीच झडप भएको छ। बुधबार महानगरपालिकाको वडा नम्बर–१९ विन्दवासीनीमा उपेन्द्र यादव पक्ष र प्रभु यादव पक्ष बीच झडप भएको हो। झडपमा परी करिब १५ जान घाइते भएका छन्।

महानगरपालिकाको वडा नम्बर–१९ को विन्दवासीनी टोलमा ५ सय जना तथा बर्वाटोलमा २ सय जनालाई राहत दिने सहमति भएको थियो। तर, बर्वाटोलमा थप १० जनालाई राहत वितरण गरेपछि दुई पक्षबीच विवाद उत्पन्न भएको थियो।

झडपमा परी उपेन्द्र पक्षका तीन र प्रभु पक्षका १३ जना घाइते भएका छन्। उनीहरुको नारायणी अस्पतालमा उपचार भइरहेको छ।