वीरमा ज्यान गुमाएका धादिङका युवकमा कोरोना रिपोर्ट नेगेटिभ

काठमाडौं– राजधानीको वीर अस्पतालमा उपचारका क्रममा बुधबार ज्यान गुमाएका युवकको कोरोना संक्रमण नभएको पाइएको छ।

धादिङ, सुन्दरबजार–६ का २३ वर्षीय राजकुमार मग्रातीको कोरोना संक्रमण परीक्षण रिपोर्ट नेगेटिभ देखिएको हो।

धादिङका प्रमुख जिल्ला अधिकारी आस्मान तामाङका अनुसार उनीसहित ११ जना यही चैत ९ गते नीलकण्ठ नगरपालिका–६, भोर्ले आइपुगेका थिए। त्यहाँबाट उद्दार गरेर उनीहरूलाई क्वारेन्टाइनमा राखिएको थियो। उनीहरू सबैलाई जिल्ला स्वास्थ्य चौकीमा लगेर चेकजाँच समेत गरिएको थियो।

गत बुधबार बिहान ज्वरो आएपछि उनलाई सोही दिन वीर अस्पताल भर्ना गरिएको थियो।