कोरोनाबाट मृत्यु हुने चीनमा भन्दा अमेरिकामा बढी

अमेरिकामा कोरोना भाइरसका कारण मृत्यु हुनेको संख्या चीनमा भन्दा बढी पुगेको छ। मंगबारसम्ममा त्यहाँ मृतकको संख्या ३ हजार ६ सय ६ पुगेको छ। चीनमा भने अहिलेसम्म ३ हजार ३ सय ९ जनाको मृत्यु भएको छ ।

अमेरिकामा सबैभन्दा बढी मृत्यु न्युयोर्कमा ९३२ जनाको भएको छ । न्युजर्सीमा २४७ र वासिङटनमा १५० को मृत्यु भएको छ।

मृत्युसँगै त्यहाँ संक्रमितको संख्या पनि डरलाग्दो छ। अमेरिकामा १ लाख ८७ हजार ९१९ लाई कोरोना संक्रमण पुष्टि भएको छ।

अमेरिकी सरकारका संक्रामक रोग विशेषज्ञ डा. एन्थोन फाउचीले अमेरिकामा कोरोना भाइरसबाट दुई लाखको ज्यान जान सक्ने चेतावनी दिएका छन्।

बीबीसी