मजदुर चढेको जिप दुर्घटना, दुईको मृत्यु, २४ जना घाइते

काठमाडौं- रामेछापकाे दाेरम्बामा मंगलबार भएकाे  जिप दुर्घटनामा २ जनाकाे ज्यान गएकाे छ।

भक्तपुरबाट इँटाभट्टामा काम गर्ने मजदुर लिएर दोरम्बा गएको बा १४ च ९४९८ नम्बरको जिप रामेछापको खाँडादेवी गाउँपालिका १ राकाथुमस्थित माझीगाउँमा मंगलबार बिहान दुर्घटना भएको थियो। मृत्यु हुनेमा दोरम्बा गाउँपालिकाका गोपीलाल पहरी र संगीता पहरी छन्।

दुर्घटनापछि २४ जना घाइतेलाई उपचारका लागि धुलिखेल अस्पतालमा लगिएको थियो। दुवै जनाको उपचारका क्रममा मृत्यु भएको रामेछापका प्रहरी प्रमुख बसन्त पाठकले जानकारी दिए। घाइते सबैको धुलिखेल अस्पतालमा उपचार भइरहेको छ।

जिपमा ३३ जना थिए। नम्बरका बलेरो दुर्घटनापछि चालकलाई प्रहरीले नियन्त्रणमा लिएको छ। क्षमताभन्दा बढी यात्रु बोकेका कारण दुर्घना भएको प्रहरी भनाइ छ। रानीघाटबाट राकाथुमतर्फ जाने क्रममा मध्य पहाडीबाट माथि उक्लने क्रममा बलेरो गाडी सडकबाट करिब डेस सय मिटर तल खसेको थियो।