अमेरिकाले पनि एयरलिफ्ट गर्‍यो आफ्ना नागरिक

लकडाउनका कारण नेपालमा अलपत्र रहेका आफ्ना नागरिकलाई अमेरिकाले आज उद्धार गरेको छ। काठमाडौंमा रहेका तथा देशका विभिन्न स्थानबाट उद्धार गरेर ल्याइएका नागरिकलाई आज अमेरिकाले एयरलिफ्ट (हवाई उद्धार) गरेको हो।

कतार एयरवेजको जहाजमार्फत् आज दिउँसो उनीहरु दोहा हुँदै स्वदेश फर्किंदैछन्। काठमाडौंका विभिन्न होटलमा रहेका आफ्ना नागरिकलाई काठमाडौंको अमेरिकी दूतावासको पहलमा कान्तिपथमा भेला गरेर बिहान त्रिभुवन विमानस्थल लगिएको थियो। 

यसअघि शुक्रबार जर्मनी तथा अन्य युरोपेली मुलुकका नागरिकको हवाई उद्धार भएको थियो ।

तस्बिरहरुः दिनेश श्रेष्ठ