काठमाडौं– जर्मनी क्लब बोरुसिया डर्ट्मुन्डले प्रशिक्षण सुरु गरेको छ।
खेलाडीको फिटनेशलाई ध्यानमा राख्दै सोमबारबाट प्रशिक्षण सुरु गरिएको हो।
कोरोना भाइरस (कोभिड–१९) को संक्रमणको जोखिम रहेकै समयमा डर्ट्मुन्डले खेलाडीलाई प्रशिक्षणमा आवद्ध गरेको हो।
सोमबारको प्रशिक्षणमा नर्बेजियन युवा फरवार्ड एर्लिङ ब्रुट हाल्यान्ड, इम्री क्यान, थोमस डिलाने, जियोभानी रेना लगायतका खेलाडीको सहभागिता थियो।
तर, यतिबेला विश्वभरिका फुटबल गतिविधि ठप्प छन्। जर्मनीमा पनि ३० अप्रिलसम्म खेल गतिविधि स्थगित गरिएको छ।