विद्युत् महसुलमा २५ प्रतिशत छुट

सरकारले विद्युत् महसुलमा छुट दिने निर्णय गरेको छ। आइतबार साँझ बसेको मन्त्रिपरिषद् बैठकले मासिक १५० युनिटसम्म बिजुली खपत गर्ने ग्राहकलाई फागुन र चैत महिनाको महसुल २५ प्रतिशत छुट दिने निर्णय गरेको हो। त्यसैगरी फागुन र चैतसम्मको महसुल वैशाख मसान्तसम्ममा तिर्दा जरिवाना नलिने निर्णय पनि गरेको सरकारका प्रवक्ता डा. युवराज खतिवडाले जानकारी दिए।