काठमाडौं– नेपाल–भारत सीमामा अलपत्र परेका नेपाली नागरिक स्वदेश आउन पाउने भएका छन्।
आज बसेको कोभिड–१९ संक्रमण रोकथाम तथा नियन्त्रण उच्चस्तरीय समन्वय समितिको बैठकले सीमामा अलपत्र नेपालीलाई ल्याउने निर्णय गरेको हो।
मुलुक भित्रिएपछि उनीहरू १४ दिनसम्म अनिवार्य स्थानीय र प्रदेश सरकारको निगरानीमा क्वारेन्टाइनमा बस्नुपर्नेछ। नेपाल–भारत दुवैतर्फ बन्दाबन्दी भएपछि भारतबाट स्वदेश फर्कन लागेका थुप्रै नागरिक दशगजामा अलपत्र परेका थिए।