धनगढी– कैलालीको सीमावर्ती भारतीय गौरिफन्टा नाकामा अलपत्र ६४ जनाको उद्धार गरिएको छ।
धनगढी उपमहानगरपालिका र जिल्ला प्रशासन कार्यालयको सहकार्यमा अलपत्र नेपालीको उद्धार गरिएको हो।
उपमहानगरपालिकाका प्रमुख नृपबहादुर वडका अनुसार उद्धार गरिएकामा धनगढीका १२, गौरीगंगा नगरपालिकाका ११, टीकापुरका ७ तथा लम्की–चुहा, घोडाघोडी, जानकी, भजनीका १–१ जनाको उद्धार गरिएको छ।
यस्तै, बाँकेका १५ जनालाई उद्धार गरेर सम्बन्धित ठाउँमा पठाइएको उपमहानगरले जनाएको छ। उनीहरूलाई सम्बन्धित ठाउँमा नै क्वारेन्टाइनमा राख्ने गरी पठाइएको छ। त्यसैगरी सीमामा रहेका डोटीका ४, बाजुराका १३ तथा बैतडी, अछाम र डडेलधुराका १–१ जनालाई सम्बन्धित जिल्लामा नै क्वारेन्टाइनमा राख्नेगरी पठाउने तयारी भइरहेको छ।
धनगढीका १२ जनालाई त्यहाँको क्वारेन्टाइनमा राखिएको छ।