काठमाडौं- नायिका वर्षा सिवाकोटीले सरकारले कारोना भाइरस रोकथाम तथा नियन्त्रणका लागि स्थापना गरेको कोषमा १ लाख रुपैयाँ सहयोगको घोषणा गरेकी छन्।
नायिका सिवाकोटीले आइतबार सामाजिक सञ्जालमार्फत् आफूले सरकारी कोषमा एक लाख रुपैयाँ सहयोग गर्ने घोषणा गरेकी हुन्।
‘आपतमा परेकालाई सहयोग गर्न सम्बन्धित ठाउमा उक्त रकम पुग्ने अपेक्षाको साथमा कोषमा एक लाख रुपैयाँ जम्मा गर्ने घोषणा गर्दछु’ सिवाकोटीले भनेकी छन्, ‘मेरो इच्छा यो पैसा ती हाम्रा दाजुभाइ दिदीबहिनीमा जाओस् जसले दैनिक काम गरेर जीवन गुजारा गर्नुहुन्छ।’
‘पुरै देश लकडाउन भएको छैठौँ दिनसम्म देशभित्र भयानक रोग कोरोना भाइरसले कसैको ज्यान लिएको छैन, म भगवानसँग यही प्रार्थना गर्दछु कि हाम्रो देश, हामी नेपाली कसैलाई केही नहोस्।’सिवाकोटीले अगाडि भनेकी छिन्।