चीनबाट उपलब्ध सामग्री सरकारलाई हस्तान्तरण

काठमाडौं- कोरोना रोकथाम र व्यवस्थापनका लागि चीन सरकारले उपलब्ध गराएको मेडिकल सामग्री स्वास्थ्यमन्त्री भानुभक्त ढकाललाई हस्तान्तरण गरिएको छ।

ती सामग्री नेपालस्थित चिनियाँ राजदूत योङ हाङछीले मन्त्री ढकाललाई हस्तान्तरण गरेकी हुन्।

कोरोना भाइरसको परीक्षणका लागि आवश्यक पर्ने मेडिकल सामग्री सरकारी ध्वजाबाहक नेपाल एयरलाइन्सको जहाजले आइतबार काठमाडौं ल्याएको थियो।

ती सामग्री चिनियाँ दूतावास, सिचुवान प्रान्त, अलिबाबा फाउन्डेसन, ज्याक मा फाउन्डेसन, चाइना एमसीसी, सिचुवान हुसी ग्रुप र होंसी सिमेन्टले पठाएका हुन्। उपलब्ध गराइएका सामग्रीमा मास्क, चश्मा, थर्मोमिटर, टेस्ट किट्स, व्यक्तिगत सुरक्षा सामग्री, भेन्टिलेटर, क्वारेन्टाइन टेबुल छन्। 

नेपाल एयरलाइन्सको विमानले साढे १२ टन सामग्री ल्याएको थियो।