शशांक भन्छन् : अन्य देशको सफलता र असफलता हेरेर अघि बढौं

काठमाडौं - नेपाली कांग्रेसका महामन्त्री डा शशांक कोइरालाले कोरोना नियन्त्रणका लागि नेपाल सरकार र स्वास्थ्यकर्मीका नाममा अपील जारी गरेका छन्।

कोइरालालाले चिकित्सकका रुपमा लामो समय सेवा र प्राध्यापनसमेत गरेको भन्दै उच्च मनोबलका साथ काम गर्न स्वास्थ्यकर्मीलाई आग्रह गरेका छन्। उनले स्वास्थ्यकर्मीका लागि आवश्यक पीपीई समयमै प्रबन्ध गर्न नसक्नु सरकारको ठूलो लाचारी भएको आरोप समेत लगाएका छन्। कोइरालाले टेकुले मात्रै देशभरीको कोरोना परीक्षण धान्न नसक्ने भन्दै सातै प्रदेशमा परीक्षणको सुविधा पुर्याउन पनि माग गरेका छन्।

कोरोना नियन्त्रणमा अन्य देशका सफलता र असफलता हेरेर सरकारले उचीत कदम चाल्नुपर्नेमा कोइरालाले जोड दिएका छन्।