मकवानपुर– प्रहरीमाथि ढुंगामुढा प्रहार गर्ने एक जनालाई मकवानपुर प्रहरीले पक्राउ गरेको छ। हेटौंडा उपमहानगरपालिका–१२, पदमपोखरी मिलनटोलका २० वर्षीय रोशन बललाई प्रहरीले शनिबार राति पक्राउ गरेको हो।
स्थानीय केटाहरूबीच झै–झगडा भइरहेको बेला नियन्त्रणमा लिन खोज्दा प्रहरीमाथि ढुंगामुढा गरेपछि बा.९३प ६०१४ नम्बरको स्कुटरसहित उनलाई प्रहरीले पक्राउ गरेको जनाएको छ।
सम्झाईबुझाई गर्दासमेत स्थिति नियन्त्रणमा नआएपछि प्रहरीले हवाई फायर गरेको थियो। ढुंगामुढा लागेर इलाका प्रहरी कार्यालय, पशुपतिनगरको बा.१झ ७५२७ नम्बरको गाडीको झ्यालको सिसा र पछाडिको सिसा फुटेको प्रहरीले जनाएको छ।
झगडामा संलग्न अन्य व्यक्तिहरूको खोजी भइरहेको प्रहरीले जनाएको छ।