काठमाडौं – कतार एयरवेजबाट आएकी कोरोना संक्रमित एक युवतीसँग आएका चितवनका पाँच जनामा कोरोना संक्रमण नेगेटिभ आएको छ।
भरतपुर कोरोना विशेष अस्पतालले पठाएको नमुना टेकु प्रयोगशालामा परीक्षण हुँदा पाँचजनाकै नतिजा नेगेटिभ आएको अस्पतालका प्रवक्ता डा. भोजराज अधिकारीले जानकारी दिए। जिल्ला प्रशासन कार्यालय चितवनको आग्रहमा उनीहरु कोरोना अस्पताल पुगेका थिए।
यस्तै भरतपुर कोरोना अस्पतालबाट पठाइएको अन्य ६ जनाको कोरोना परीक्षणको नतिजासमेत नेगेटिभ आएको अधिकारीले जानकारी दिए।