काठमाडौं - नेपाल वायुसेवा निगमको वाइडबडी जहाज चीनबाट मेडिकल सामग्री लिएर स्वदेश आइपुगेको छ। चीनको ग्वाङझाओबाट मेडिकल सामग्री लिएर विमान बिहान ५ बजे त्रिभुवन अन्तर्राष्ट्रिय विमानस्थल आइपुगेको हो।
वाइडबडी जहाज शनिबार दिउँसो ग्वाङ्झाओ गएको थियो। निगमका अपरेशन विभाग प्रमुख दीपु जुहार्चनका अनुसार करिब १३ हजार स्वास्थ्य सामग्री ल्याइएको छ।
चीनबाट कोभिड-१९ परीक्षण गर्ने किट र पीपीईलगायतका औषधिजन्य सामग्री ल्याइएको छ। स्वास्थ्य मन्त्रालयका प्रवक्ता डा.विकास देवकोटाले अत्यावश्यक औषधि र अन्य मेडिकल उपकरण ल्याइएको जानकारी दिए। एक लाख पीपीई, ५० हजार कोभिड परीक्षण किट तथा व्यक्तिगत सुरक्षा उपकरण ल्याइएको उनले जानकारी दिए।