‘इन्डिपेन्डेन्ट’ अखबारले भन्यो– बेलायतकी महारानीलाई पनि कोरोना संक्रमण

बेलायतकी महारानी एलिजाबेथलाई पनि कोरोना भाइरसको संक्रमण भएको छ। नाइजेरियाको अखबार इन्डिपेन्डेन्टका अनुसार बकिंघम प्यालेसले यसको पुष्टि गरेको छ।

९३ वर्षीया एलिजाबेथमा कोरोनाको प्रारम्भिक लक्षण देखिएको तर उनको स्वास्थ्य अवस्था भने सामान्य र स्थिर रहेको प्यालेसले बताएको छ। अहिले उनी विन्डसर क्यासलमा सेल्फ आइसोलेसनमा छिन्।

यसअघि बेलायतका राजकुमार, प्रधानमन्त्री र स्वास्थ्य मन्त्रीलाई पनि कोरोना संक्रमण भएको समाचार सार्वजनिक भएको थियो।

बेलायती सञ्चारमाध्यमले भने महारानी सेल्फ आइसोलेसनमा बसेको उल्लेख गरेका छन् तर उनलाई कोरोना संक्रमण भए-नभएको बारे केही खुलाएका छैनन्।

(यसअघि यसै समाचारको स्रोत नाइजेरियाको इन्डिपेन्डेन्ट अखबार हुनुपर्नेमा बेलायती अखबार द इन्डिपेन्डेन्ट भएकोले सच्याइएको छ- सम्पादक)