भैरहवा– प्रदेश ५ सरकारले विदेशबाट आएका नेपालीहरुको खोजी गर्न थालेको छ। विदेशबाट फर्केर आएका नेपालीमा नै कोरोना संक्रमण देखिएपछि सरकारले उनीहरुको लगत संकलन थालेको हो।
प्रदेश्र ५ का सबै जिल्लाहरु प्यूठान, रोल्पा, रुकुम, दाङ, बाँके, बर्दिया, कपिलवस्तु, अर्घाखाँची, रुपन्देही, नवलपरासी र पाल्पामा विदेशबाट आएकाहरुलाई खोज्ने र उनीहरुमाथि निगरानी बढाइएको छ ।
प्रदेश ५ सरकारका प्रेस सल्लाहकार शेरबहादुर केसीले भने, ‘स्थानीय तह यतिखेर विदेशबाट आएकाहरुको खोजी गर्न, तथ्यांक संकलन गर्न र तिनीहरुलाई क्वारेन्टाइनमा राख्न सक्रिय छन् ।’